Kuch sikke maine badal diye
Pittal se taamba, chaandi se sona,
Mera naya khel ye naya tamasha
Par wahi khilona, haan wahi khilona
Bara naam hua, bara kaam hua,
Thora thora magar badnaam hua,
Maine kaha jung ye safal hua,
Mai v kya kavi tha wifal hua....
Rone waalo ki aadat hai,
Laga he rehta hai unka rona...
Mujhe laga maine sab badal diya
Kaale andhere ko nigal gaya,
Aur mand mand muskata mai,
Laga gira gira par sambhal gaya...
Ab vijayghosh bajwa dunga...
Mai yatra tatra sarwatra hua..

Maharaaj jay ho teri ....
Par prasna to sun le tu meri?
Mujhe mere hisse ka sikka...
Kab dega keh na kab dega ....
Kab kheto se mai aane par
Sukhi na roti khaunga??
Kab mere ghar bijli hogi ?
Mai v gaane bajwaunga ...
Kab mai v kaagaz patro pe
Anguthe nahi lagaunga...
Kab mai v pakke rasto me
Motor car chalaunga?
Kab mai na marunga
Gale me daal k fanda pero se jhula jhul k
Kab vastra hare na jayenge
Meri maata aur behno ko
Kab mere bachche nasha mukt
Ho sutte na lagayenge?
Kab mere nan dhan khate me
Sunyo ke pehle sankhya hogi?
Kab mera hoga sahi ilaaj?
Mai aur na rahunga koi rogi
Kab mere khet khalihaano me
Sach me hariyaali chayegi?
Kab sinchan aur takniko se
Upaj me vridhdhi ho jayegi?
Kab mere gaon me dharm jaat pe
Aur nahi dange honge...?
Kab saanp sanpere log
Na bhukhe na nange honge.???